«Դա այն բանն է, որը չես կարող նախատեսել»,-mardik.am-ի հետ զրույցում ասաց երգչուհի Աննա Խաչատրյանը` խոսելով իր անձնական կյանքի փոփոխությունների մասին:
Հարցին` Աննա Խաչատրյանն ունի տղամարդու այնպիսի իդեալ, որին կցանկանար տեսնել իր կողքին, երգչուհու խոսքով`ինքն ընդհանրապես այս առումով իդեալ չունի և չի էլ ունեցել երբևէ, քանի որ դրա պատճառով դու երբեք չես ունենա քո կողքին այն մեկին, ով կհամապատասխանի այդ իդեալին:---
«Կողքդ պետք է լինի այն տղամարդը, ով քեզ կկարողանա գնահատել ու ընդունի քեզ այնպիսին, ինչպիսին դու կաս, բնականաբար այդ ամենը պետք է լինի փոխադարձ»,-ասաց Աննա Խաչատրյանը:
Երգչուհուց նաև հետաքրքրվեցինք` Աննա Խաչատրյանը կարողանո՞ւմ է միայն Հայաստանում աշխատելով գումար վաստակել:
Երգչուհու խոսքով` բոլոր երգիչներն ունեն նույն խնդիրը, շատ դժվար է մեր օրերում գումար վաստակել, և օրեցօր դա ավելի է դժվարանում:
«Մի քանի տարի առաջ Նոր տարուն անհամբեր սպասում էինք, որ ինչ-որ մի տեղ գնանք, ինչ-որ մի տեղ երգենք, գումար վաստակենք, հիմա ոչ մի տեղ նման հնարավորություն չկա»,-անկեղծացավ երգչուհին:
«Իսկ միգուցե մեր հանդիսատեսն է հոգնել շոու բիզնեսի ներկայացուցիչների կատարումներից կամ գուցե այլ բան է պահանջում,»,-հարցրինք երգչուհուց:
Ի պատասխան հարցի`նա ասաց, որ խնդիրն ընդհանրական է և համատարած բնույթ է կրում, սակայն չի բացառվում, որ երգչուհին շատերի նմամն տեղափոխվի արտերկիր` այնտեղ աշխատելու, թեև երբեք դրա մասին չի մտածել:
Երգչուհին նաև չի մտածել սեփական բիզնես ունենալու մասին, թեև կցանկանար, սակայն ինչպես ասում են` ցանկությունն այս դեպքում չի համապատասխանում ֆինանսական հնարավորությանը:
Ի դեպ, երգչուհին մեկն է այն մարդկանցից, ով գրեթե չի հայտնվում սկանդալների կենտրոնում, եթե հաշվի չառնենք Անի Քրիստիի հետ ունեցած պատմությունը:
Մեզ հետ զրույցում Աննան ասաց, որ ինքը համերաշխ անձնավորություն է, բոլորի հետ լավ հարաբերություններ ունի, անգամ Անի Քրիստի հետ, իսկ, օրինակ, Արսեն Գրիգորյանի, Ռուզան Ավետիքյանի հետ, բացի աշխատանքային լավ հարաբերություններից, ունի նաև ընկերական սերտ հարաբերություն, որն էլ, ի դեպ, հաճախ է դառնում քննարկման առարկա և վերածվում տարաբնույթ, երբեմն նաև զավեշտալի, այսպես ասած, « լեգենդների»:
Ի դեպ, տարածված « լեգենդներից» մեկն էլ այն է, որ Աննա Խաչատրյանն իբր աղանդավոր է, հարում է «Կյանքի խոսք» աղանդին, իսկ իրականում...իրականում Աննան ունի շատ հոգևորական ընկերներ, որոնք էլ առիթ են տվել նման խոսակցությունների:
Իսկ բացի երգարվեստից` Աննան արդյոք հետաքրքրվո՞ւմ է մեր երկրում տեղի ունեցող հասարակական-քաղաքական անցուդարձին:
Երգչուհին դրական պատասխանեց`նշելով, որ ինքը այս երկրի քաղաքացի է, սակայն, այնուամենայնիվ, «մուզիկանտ չզբաղվել պոլիտիկա» սկզբունքով է առաջնորդվում ։
|