Յուրաքանչյուր մարդու համար իդեալական սեքսը կարող է տարբեր լինել: Այնուամենայնիվ կարելի է առանձնացնել մի քանի կետ, որոնց առկայության դեպքում տղամարդկանց մեծամասնության համար սեքսը չի կարող լինել հաջողված:
Ցանկացած մարդ, «որն է իդեալական սեքսը» հարցին առանց մտածելու կպատասխանի` «երբ քեզ պարզապես լավ է այդ պահին»: Սակայն եթե «հարցաքննությունը» շարունակել և ավելի մանրամասն հարցեր տալ, ի հայտ են գալիս հետաքրքիր դետալներ: Օրինակ, լավ սեքսից հետո տղամարդիկ հաճույքով են նայում զուգընկերուհու վրա և չեն ցանկանում մեջքով շրջվել ու քնել:
Կարևոր է մարմնում և մտքում թեթևություն զգալ: Չնայած մտքեր, այդ պահին, ընդհանրապես պիտի չլինեն: Միայն միջին սեքսից հետո ես սկսում մտածել աշխատանքի, խնդիրների մասին:
Սեքսոլոգները նշում են մի քանի կետ, առանց որի սեքսը կարելի է տապալված համարել:
Անխոս, սեքսը պիտի ավարտվի օրգազմով, որը հաճույքի գագաթնակետն է: Բացի դրանից, օրգազմի բացակայությունը թե կնոջ, թե տղամարդու օրգանզիմին վնասակար է:
Օրգազմին նախորդող ողջ պրոցեսը պետք է կրքոտ լինի: Իսկ թե ինչպես հասնել այդ կրքին, այլ հարց է:
Առաջին հերթին զուգընկերների միջև բացի սեքսից պետք է լինեն լավ հարաբերություններ: Իհարկե թեժ վեճից հետո սեքսը ևս կարող է անմոռանալի լինել, բայց դա կրկին մտերիմ զույգերին է հաջողվում:
Տղամարդիկ, ինչու չէ, նաև կանայք, ձանձրանում են միևնույն դիրքով միևնույն վայրում եւ միգուցե միևնույն երաժշտության ներքո սեքսով զբաղվելուց: Միշտ պետք է փնտրել նոր ձևեր, նոր դիրքեր, հետաքրքիր սեքսուալ խաղեր, որոնք զուտ սեռական ակտը կվերածեն երկարատև ու հաճելի շփման:
Մասնագետների կողմից կանանց խորհուրդ է տրվում երբեք տղամարդու առջև չդնել 25 կետերից բաղկացած նախապայմաններ, թե ինչպիսին պիտի լինի սեքսը, ինչ դիրքերում կամ ինչ բացառություններով: Որքան էլ տղամարդը սիրի և պաշտի իր կնոջը, նման վերաբերմունքը կզրկի նրան երևակայելու հնարավորությունից:
Սեքսոլոգները նաև խորհուրդ են տալիս երկար չսպասեցնել տղամարդուն` պատճառաբանելով, թե մտերմության այդ շեմին դուք դեռ չեք հասել: Տղամարդիկ հաճախ կարող են մտածել, որ բավականին սեքսուալ չեն և կինը չի ցանկանում իր հետ ինտիմ կոնտակտի գնալ, ինչը ցանկացած տղամարդուն կվանի տվյալ կնոջից: Կամ էլ տղամարդը կարող է մտածել, որ կինը բավականին կրքոտ չէ:
Պարզվում է, որ տղամարդկանց համար կարևոր է նաև սեքսուալ հարաբերության ժամանակ կնոջ միմիկան, արտաբերած ձայները և շարժումները. «Դրանք չպետք է ծիծաղելի լինեն»,- պնդում են տղամարդիկ:
|